عصر عاشورا
حسینه یئرلر آغلار گؤیلر آغلار
بتول و مصطفی پیغمبر آغلار
حسینین نوحه سین دلریش یازاندا
مسلمان سهل دیر کی کافر آغلار
کور اولموش گؤزلرین قان دوتدو شیمرین
کی گؤرسون اؤز الینده خنجر آغلار
حسینین کؤینه گی زهرا الینده
چکر قیحا قیامت ، محشر آغلار
آتاندا حرمله ، اوخ کربلاده
گؤریدین دوشمن آغلار ، لشکر آغلار
قوجاغیندا ، گؤردین ام لیلا
آلیب نعش علیّ اکبر آغلار
رباب ، نیسگیل دؤشونده سود گؤرنده
علیّ اصغری یاد ائیلر آغلار
باشیندا کاکل اکبر هواسی
یئل آغلار ، سنبل آغلار ، عنبر آغلار
یازاندا آل طاها نوحه سین من
قلم گؤردوم سیزیلدار ، دفتر آغلار
علی ، شق القمر ، محراب تیلیت قان
قولاق وئر ، مسجید اوخشار منبر آغلار
علی دن شهریار ، سن بیر اشاره
قوجاقلار قبری ، مالک اشتر آغلار
محمدحسین شهریار
عرفانی
نظرات شما عزیزان:
لیلال 
ساعت23:39---4 دی 1392
خوب بودلاله جان.
موسوی
ساعت12:49---25 آبان 1392
سلام خانم عرفانی عزیز
مرسی به خاطر ارسال شعر زیبایت .
مرسی به خاطر ارسال شعر زیبایت .
صبوری
ساعت9:01---22 آبان 1392
سلام با تشکر این شعر شهریار ورد اکثر مجالس وهیاتهای مذهبی در این ایام است .خدا شهریار دوست داشتنی و همیشه عزیز را بیامرزد .
